सार्वजनिक वितरण प्रणालीत तंत्रज्ञानाचा वापर; गैरप्रकारांना आळा घालण्यासाठी ‘एसएमएस अलर्ट’ सेवा सुरू, ‘मेरा रेशन’ ॲपही उपयुक्त.
मोबाईलवर थेट धान्याचा हिशेब
रेशन कार्डधारकांसाठी एक अत्यंत महत्त्वाची आणि पारदर्शक सुविधा सुरू झाली आहे. आता रेशन कार्डधारकांच्या मोबाइलवर त्यांना मिळालेल्या धान्याचा हिशेब थेट एसएमएसद्वारे (SMS Alert) मिळण्यास सुरुवात झाली आहे. सार्वजनिक वितरण प्रणालीच्या माध्यमातून पुरवठा विभागाने आधुनिक तंत्रज्ञानाचा वापर करत हा महत्त्वाचा टप्पा पार केला आहे. यामुळे रेशनच्या व्यवहारात अधिक पारदर्शकता येण्यास मदत होणार आहे. नोव्हेंबर महिन्यातील धान्य वाटपासंबंधी अनेक लाभार्थ्यांना असे एसएमएस आले आहेत, ज्यामध्ये त्यांना मिळालेल्या धान्याच्या कोटा स्पष्टपणे नमूद केला आहे. या संदेशात ज्वारी, गहू आणि तांदूळ या धान्य प्रकारांचा प्रत्येक लाभार्थ्याला किती किलो वाटा मिळाला आहे, याची माहिती दिली जात आहे.
गैरप्रकार आढळल्यास काय करावे?
मेसेजमध्ये दिलेली माहिती अत्यंत स्पष्ट असून, आदेशानुसार हा कोटा राष्ट्रीय अन्न सुरक्षा योजनेंतर्गत भारत सरकारच्या पूर्णपणे निःशुल्क दिला जात आहे. जर तुम्हाला रेशन दुकानात कमी धान्य मिळत असेल किंवा मेसेजमध्ये नमूद केलेल्या कोट्यापेक्षा कमी धान्य दिले जात असेल, तर तातडीने तक्रार करणे आवश्यक आहे.
